Yashyizweho kuri14 February, 2020 | 13:43

Nyuma y’amakuru yacicikanye : Inzego z’Umutekano zashyikirije Kizito Mihigo RIB

Urwego rw’Igihugu rw’Ubugenzacyaha (RIB) kuri uyu wa 14 Gashyantare 2020 rwatangaje ko rumaze iminsi ibiri rushyikirijwe n’inzego z’umutekano umuhanzi Kizito Mihigo.

Urwego rw’Ubugenzacyaha, RIB ruvuga ko inzego z’Umutekano zarushyikirije umuhanzi Kizito Mihigo wafatiwe mu Karere ka Nyaruguru, ashaka kwambuka mu buryo bunyuranyije n’amategeko ajya i Burundi.

Nk’uko RIB yabitangaje, “Arakekwaho icyaha cyo kwambuka umupaka mu buryo bunyuranyije n’amategeko agamije kujya kwifatanya n’imitwe y’iterabwoba irwanya Igihugu ndetse n’icyaha cya Ruswa. Iperereza ryatangiye kuri ibi byaha akekwaho kugirango dosiye ishyikirizwe ubushinjacyaha.

Amakuru ku ifatwa rye yatangiye kuvugwa ku mbuga nkoranyambaga mu gitondo cyo kuwa kane.

Umuturage wo mu gace bivugwa ko yafatiwemo yatangaje ko yabonye uyu muhanzi asanzwe azwi neza, ari kumwe n’abagabo babiri, bahagaritswe n’abaturage bagahamagara abasirikare.

Ati: "Ni mu murenge wa Nyabimata mu kagari ka Remera mu mudugudu wa Kivugiza, niho ndi nanjye. Ako gacentre niko kanyuma kari hafi y’umupaka.

"Abaturage bavugaga ko bafashe abo bagabo baca mu nzira za panya bagana ku mupaka".

"Njyewe uko namubonye yari ameze nk’abakerarugendo, yari afite igikapu kinini kiremereye agihetse ubona ko ari umuntu ufite urugendo".

Uyu muturage avuga ko abaturage bahamagaye abasirikare nyuma hakaza n’abapolisi, ko aribo bahise bajyana Kizito n’aba bagabo babiri bari kumwe nawe

Mu 2015, Kizito Mihigo yakatiwe gufungwa imyaka 10 amaze kwemera no guhamwa n’ibyaha birimo kugerageza kugirira nabi perezida Paul Kagame no kwangisha rubanda ubutegetsi.Yarekuwe ku mbabazi z’umukuru w’igihugu mu kwezi kwa cyenda 2018.

Chief editor\ Muhabura.rw


Tanga igitecyerezo

Ibitekerezo


Tanga igitekerezo


2 Comments

Figo - 3 months ago

Ntawamenya umugambi wabantu cy uwimana.

Figo - 3 months ago

Ntawamenya umugambi wabantu cy uwimana.

Izindi nkuru

Inkuru zikunzwe